2018ല്‍ പുറത്തിറങ്ങിയ ഉദാഹരണം സുജാത എന്ന സിനിമയിലൂടെ അഭിനയരംഗത്തെത്തിയ താരമാണ് അനശ്വര രാജന്‍.
തുടര്‍ന്ന് 2019ല്‍ പുറത്തിറങ്ങിയ തണ്ണീര്‍മത്തന്‍ ദിനങ്ങള്‍ എന്ന ചിത്രം ഏറെ ശ്രദ്ധേയമായി മാറി. കീര്‍ത്തി എന്ന കഥാപാത്രത്തെയാണ് ചിത്രത്തില്‍ അനശ്വര അവതരിപ്പിച്ചത്.
പിന്നീട് ചുരുങ്ങിയ സമയത്തിനുള്ളില്‍ തന്നെ നിരവധി സൂപ്പര്‍ഹിറ്റ് സിനിമകളിലൂടെ മലയാള സിനിമാ മേഖലയില്‍ തന്റേതായ സ്ഥാനം അനശ്വര നേടിയെടുത്തു.
സോഷ്യല്‍ മീഡിയയിലും ഏറെ സജീവമായ താരം തന്റെ പുതിയ ഫോട്ടോഷൂട്ടുകളും പുതിയ വിശേഷങ്ങളും എല്ലാം ആരാധകരുമായി പങ്കുവയ്ക്കാറുണ്ട്.
താരത്തിന്റെ ഗ്ലാമര്‍ ഫോട്ടോഷൂട്ടുകള്‍ പലപ്പോഴും സൈബര്‍ അറ്റാക്കുകള്‍ക്കും കാരണമായിട്ടുണ്ട്.
ഇപ്പോഴിതാ സൂപ്പര്‍ ശരണ്യക്ക് ശേഷം മമിത, അനശ്വര, അര്‍ജുന്‍ അശോകന്‍ എന്നിവര്‍ ഒരുമിച്ചഭിനയിച്ച ചിത്രം ‘പ്രണയ വിലാസം’ റിലീസിന് ഒരുങ്ങുകയാണ്. ഫെബ്രുവരി 24ന് സിനിമ തിയേറ്ററുകളില്‍ എത്തുകയാണ്.
സിനിമയുടെ പ്രമോഷന്റെ ഭാഗമായി മൈല്‍ സ്റ്റോണ്‍ മേക്കേര്‍സിന് നല്‍കിയ അഭിമുഖത്തിലാണ് താരങ്ങള്‍ മനസ് തുറന്നിരിക്കുന്നത്.
താരങ്ങള്‍ നല്‍കിയ അഭിമുഖമാണിപ്പോള്‍ ശ്രദ്ധ നേടുന്നത്. ഒരു ദിവസം ആണ്‍കുട്ടിയായി മാറിയാലുള്ള ഗുണത്തെ കുറിച്ച് അവതാരക ചോദിച്ചപ്പോഴാണ് ഇരുവരും വ്യത്യസ്തമായ മരുപടികള്‍ നല്‍കുന്നത്.
പീരിയഡ്സ് അനശ്വരയ്ക്ക് വളരെ ബുദ്ധിമുട്ടുള്ള ഒരു സമയമാണെന്നാണ് വെളിപ്പെടുത്തുന്നത്. താന്‍ ഒരുപാട് കഷ്ടപ്പെടാറുണ്ടെന്നും, വേദന കാരണം ഷൂട്ടിംഗ് നിര്‍ത്തി വെച്ചിട്ടുണ്ടെന്നും അനശ്വര പറയുകയാണ്.
താന്‍ പീരിയഡ്സിന്റെ സമയത്ത് പുറത്തിറങ്ങാന്‍ പോലും പറ്റാത്തവരില്‍ ഒരാളാണ്. സൂപ്പര്‍ ശരണ്യയുടെ ഷൂട്ടിന്റെ സമയത്ത് മമിതയായിരുന്നു എന്നെ നോക്കിക്കൊണ്ടിരുന്നത്. അന്ന് ഷൂട്ട് നിര്‍ത്തി വെച്ചെന്നും താരം വെളിപ്പെടുത്തുന്നു.
അതിന് കാരണം തനിക്ക് പറ്റുന്നില്ല. ഗേള്‍സ് സ്‌കൂളില്‍ പഠിച്ചിരുന്ന സമയത്ത് തന്നോട് ടീച്ചര്‍മാര്‍ ചോദിക്കാറുണ്ട് എല്ലാവര്‍ക്കും ഉണ്ടാവുന്ന വേദനയല്ലേയെന്നാണ്.
‘ഗേള്‍സ് സ്‌കൂളിലെ ടീച്ചര്‍മാരാണ് പറയുന്നത്. അവര്‍ക്ക് അറിയുമോ എന്നറിയില്ല, എല്ലാവര്‍ക്കും വരുന്ന വേദന വ്യത്യസ്തമാണ്. എന്റെ ഫ്രണ്ടിന് അറിയുക പോലുമില്ല. എനിക്ക് നേരെ തിരിച്ചാണ്. ഞാന്‍ പിരീയഡ്സായി കിടക്കുന്നത് നാട്ടുകാര്‍ മൊത്തമറിയുമെന്നും’ താരം പറയുന്നു.
ഇനി അഥവാ ആണ്‍കുട്ടി ആയി മാറിയാല്‍ ആര്‍ത്തവ കാലത്തെ വേദന സഹിക്കണ്ടല്ലോ എന്നാണ് മമിത പറയുന്നത്.
എനിക്ക് ആകെപ്പാടെ തോന്നിയത് പീരിയഡ്സിന്റെ വേദന അറിയേണ്ടെന്നതാണ്. പീരിയഡ്സായി വീട്ടില്‍ ചടച്ചിരിക്കുമ്പോള്‍ പിന്നെയും പെയ്ന്‍ വരും. ഒന്ന് പുറത്ത് പോയി വരുമ്പോള്‍ ആ ഒരു ഫേസങ്ങ് മാറിക്കിട്ടുമെന്നും മമിത പറയുന്നു.
